مفضلاتي 2015 | MY 2015 FAVORITES

بسم الله الرحمن الرحيم

السلام عليكم

سنة جديدة سعيدة عليكم ان شاء الله

مرت سنة 2015 بحلوها و مرها 

و اكيد راح تكون سنة 2016 احلى بإنجازاتنا

موضوع اليوم عن مفضلاتي الجمالية 

جربت كثير وفيه اشياء جميلة استخدمتها طول السنة

مفضلات العيون | EYES FAV

من الاشياء الحلوة الي جربتها في هالسنة

هو باليت من لوراك LORAC

و اسمه LORAC PRO 1

جميل جمال يخبل 

الوانه طبيعية ترابية 

تناسب جميع البشرات

و فيه الشمر ( اللميع ) و فيه المات ( المطفي )

 لو تبين تشترين باليت اي شادوز ( ظلال عيون ) واحد

اعتقد هذا الخيار الي راح يرضيك من جميع النواحي 

سعرة مناسب بالنسبة للالوان و راح يطول معاك ماراح تندمي

هذي صورة اوضح للالوان 

يجي معاه برايمر بس سيء مره

مدري كذا يدهن و الاصل انه يثبت 

المهم انه م يسوى

الشي الثاني هو ماسكارا ووتر بروف ( ضد الماء ) من شانيل 

اسمها  LE VOLUME DE CHANEL 10

من جد ضد الماء مافيه خرابيط

احسها تعدم الرموش اذا استخدمتيها بكثرة

كنت استخدمها ايام الصيف الحارة 

الحر الي يسيح الميك اب و تصيرين زومبي

:))

راح اشتريها الى مالا نهاية

اعتقد فيه منها النوع العادي ( مو ضد الماء )

بالنسبة لشكلها على العين اتعب و انا اقول جممميلللل 

فرشتها مستوية صغيرة توصل لكل شعرة  بالرموش

سوادها جميل وفيه منها الوان ثانية شفتها اون لاين

بعدها نتكلم عن كحل نيود من شانيل برضو

اسمه LE CRAYON KHOL

درجته CLEIR 69

يخلي العين اوسع بعد م تحطيه

ثابت تقريبا 5 ساعات لونه واضح جدا وكريمي 

و اكيد بشتريه بعد الى مالا نهاية

جربت منه الكحل الاسود ماعجبني زي هالدرجة

احسه يسيح شوي او ان استخدامي له غلط !!

هذا شكله على العين شايفين قد ايه جميل !

نجي للحواجب و الشي الي تقريبا خلص 

بودة الحواجب من THE BODY SHOP

رقمها 02

مناسبه للون شعري بالزبط 

سعرها حلو و تطول معاك مره

شفت كثير اشياء من سيقما و الف وبينفيت 

حابه اجربها بس اتكاسل اطلبها !

الجهتين بودرة مافيها شمع لاني اكره الشمع مرة 

احس يدبق :|

مفضلات الشفاه | LIPS FAV

الارواج 3>

اثنين ماغيرهم احببههم للابد

الروج الاول الي سارقته من اختي :)) 

هو من ماك 

اسمه HONEY LOVE A83

نيود مطفي ينقط فخامه

احس كذا لون راقي !

احب احطه مع الوان ثانيه يخفف حدتها 

بس لحاله لا

بشرتي حنطيه اصير كني مريضة!!

هذا سواتش له من مدونة اجنبية

الثاني من ديور 

اسمه COQUETTE 660 

ماعرف اوصف اللون لاني اسوأ شي اسويه اني اوصف لون

ينفع ع اغلب الوان البشرات يجي رايق مرة 

نهايته قلوسي شوووي بس انا ادمجه مع روج ماك ويصير نهايته ساتان

احيانا احط عليه لوز باودر ( بودرة حرة ) عشان يصير مات

شكله ع الشفايف 

مفضلات الوجه | FACE FAV

انا مالي كثير في الفاونديشنز 

بس احب البلشرات كثير

^التصوير ظالمة

هذا البلشر من ماك له قصة

كنت بشتري اضائة سوفت اند جنتل

طلبتها و وريتها شكلها

وطلعت لي جديد من الدرج وودته للمحاسبه

لما وصلت البيت اكتشفت انها معطيتني بلشر 

عشان اسمه قريب من سوفت اند جنتل

( اسم البلشر Gentle mineralize blush )

المهم اني بعدها صرت اي شي اشتريه اتاكد منه و افك كراتينه عند المحاسبه

صحيح انه جميل وصار من مفضلاتي

بس ماكنت احتاجه وقتها :((

( رب ضارة نافعة )

صورة اوضح له

جميل اللون زهري 

في لمعة بس م تبان لما تحطيه

اضاءه دافيه للخد

اخ ع جمالو اخ 

رقمة A03

مفضلات المناكير | NAIL PULISH FAV

المعروف عن اظافري انها جميلة جدا

ف أحب الالوان الطبيعية الي ع نيود عشان م تبان مره

زي مثلا الاحمر :\ ابشع لون ممكن احطه ، بس احيانا تمسك معي احمر :)

المهم هاللونين الجميلة

الاول من شانيل 

LE VERNIS 

491 

ROSE CONFIDENTIEL

ماقدر اوصفه من جماله

يبان من ثاني طبقة و يجف بسرعة

شايفين كيف لطيف :)))))))

اللون الثاني بيج او نيود باندر تون وردي 

 مدري ماعرف اوصف

من WOW BY WOJOOH

رقمه 132 RAW SUGAR

جميل لونه يبان من الطبقة الثانية

بسرعة ينشف و م يتكسر او يروح 

طبعا اذا ماتعرضتي للماء كثير يثبت لمدة 3 ايام تقريبا

السواتش الوحيددد له

هذا هو

جميل يحلي اليد و يفك ازمه لو ماتعرفي ايش تحطي لون

راح اجرب درجة قريبه منه من ماركات ثانيه ان شاء الله

واخيرا

 مفضلات العناية | CARE FAV

من اليمين DRY SHAMPOO 

من تيرزمي

للشعر الناعم و الدهني

هالشي فك ازمه كثير من البنات في كل المراحل :)) و الاعمار

مافيه شي جديد بس بما انو ماعندنا بالطايف غيره ( بالنهدي )

ف بيصير مفضل اكيد

زيت الارقان ياحبيبي 3>

تكلمت عنه 

هنا | HERE

ماسك للوجه من SKIN79

اسمه PORE DESIGNING 

MINIMIZING MASK

 ينقي و يصفي البشرة من الشوائب و الرؤوس السوداء

ينحط على وجه نظيف من غير اي كريمات قبله

ربع ساعه او حد مايجف

جميل و حسيت بالفرق لما استخدمته

ديودرنت من VICHY

الي خلاني احبه انه خالي من العطور و البارابين و من املاح الالمونيوم

وللبشرة الحساسة

مكتوب انه يظل طول اليوم
بس انا يبقى تقريبا نص يوم او اقل 

جربت بيزلين ماناسبني وهو تقريبا نفس هذا

هذي  كل مفضلاتي هالسنة

شاركوني مفضلاتكم على تويتر و انستقرام

احبكم جميعا

.