Good bye مع السلامة 2016

السلام عليكم 

سنة جديدة سعيدة عليكم يارب 💫

تدوينة جديدة لطيفة عن اهم احداث سنه 2016 

واقربها لقلبي💖

كانت هالسنة بالنسبة لي ماتعتبر سنة انجاز عظيمة

لكن م انكر قد ايش انا حاولت اطور من نفسي من تفكيري 

من كل نواحي شخصيتي .💭

م انكر فضل ناس كثير لطيفة عرفتهم هذي السنة غيروا فيني الكثير

اعترف ان مو كل اهداف هالسنة حققتها ، لكن بمجرد ان غيرت شي للافضل ف معناته انجاز.👏

تعلمت الكثير بنفسي ، من نفسي و من عالم الانترنت ، من الي حولي و اهلي اكيد.💖

اكثر سنة حاولت فيها اتعلم اطبخ هالسنة ، حسيت اني ابدع لما اطبخ احاول احط كل طاقتي بالشي اللي سويته

يطلع بالطعم و الشكل 🍴

اكتشفت هالسنة اني انسانه صباحية من الدرجة الاولى، استتمتعع بالصباح و بجوه ، سواءا دوام ولا اجازة !!🌞

احب الفطور وحبيته اكثر لما صرت اصحى بدري ، مافي شي ممكن يعكر مزاجي اذا كان صباحي ذاك اليوم سعيد ( الا نادرا )🍳

بغض النظر عن البشرية اللي احس يقدرون يخربون عليك اسبوع مو يوم ، بس برضه اتجاهلهم قد م اقدر و احاول اقاوم طبيعة شخصيتي العصبية😜

لغتي الانجليزية تطورت بشكل ملحوظ هالسنة ، مبسوطة من نفسي ، قريت كتب انجليزية ، دخلت دورات كثير اون لاين للغة الانجليزية بس مافادتي كثر اهتمامي بالترديد ورا اي كلمة يقولوها بالافلام ولا المسلسلات .💥

على طاري السينما ، تعمقت بشكل اكبر و صرت اعرف الزين من الشين من الاعلان بس ! 🙆

صرت ماحب اشوف الا المسلسلات الاجنبية و اللي لغتها انجليزية ، عصفورين بحجر للغة و للمتعة العظيمة من مشاهدت انتاجاتهم .😯

اهتماماتي وتفكيري اللي احس تغييرها كان من افضل الانجازات🙈 ، كبرت بعين نفسي حسيت اني افدت نفسي مو بس هالسنة ، لسنين طويلة قدام طول ما هالشي يتطور اكثر.🙌

اهتمامي الاكبر كان العمل التطوعي او اي شي اقدر اخدم فيه مجتمعي و خاصة اذا كان بمجالي الصحي ، احب اشوف الناس مهتمين بشي اقدمه لهم  على انهم مو مجبرين يسمعون لي ، احب لما يجي احد يسالني عن شي وهو واثق اني راح اعطيه الاجابة ، شعور التطوع جميل، وعشان كذا حاولت بكل م اقدر اشارك بحملات بالصيف او حتى على مستوى جامعتي ، والحمدلله تجربة جميلة اتمنى انها تنعاد.💝💪

كثير اشياء لو بحكي فيها مافي شي بيوقفني ، بس مابي تكون تدوينة مملة.☝

اختمها بصور لطيفة عفوية قريبة لقلبي مرره ، من غير اي تعديلات و اغلبها سنابية💟

واخيرا ، شكرا

لكل شخص ، شي ، موقف اسعدني خلال هالسنة

اشكر نفسي على شي سويته لي حتى لو كوب قهوة ☕

و اشكركم جميعا على كل الدعم اللطيف منكم

اشكركم عشان قريتوا اللي فوق كله .

ولو ماقريتوه برضه شكرا 💖

دمتم بخير.