السلام عليكم
مر 12 يوم ع بداية السنة الجديدة
بس كنت احتاج هالفتره عشان اجمع شتات افكاري و مخططاتي .
اول موضوع لي بخصوص بدايات السنة الجديدة
2015 كانت سنة سعيدة جميلة جدا
طلعت منها بآحسن اصحاب، دخلت عالم التعليم الجامعي ، درست شي احبه وراح اكمل فيه.
عائلتها كبرت وصارو احفادنا اكثر ، صار بيتنا بيت الجد الكبير !
قريت كتب وتعلمت كثير . و بتعلم اكثر.
قططي الجميلة ماراح انسى انهم احلى شي صار لي .
هالسنة حطيت لها خطط و احلام كثيره بحققها ان شاء الله و ماراح اتنازل عن اي شي كنت افكر فيه،.
مر 12 يوم ع بداية السنة الجديدة
بس كنت احتاج هالفتره عشان اجمع شتات افكاري و مخططاتي .
اول موضوع لي بخصوص بدايات السنة الجديدة
2015 كانت سنة سعيدة جميلة جدا
طلعت منها بآحسن اصحاب، دخلت عالم التعليم الجامعي ، درست شي احبه وراح اكمل فيه.
عائلتها كبرت وصارو احفادنا اكثر ، صار بيتنا بيت الجد الكبير !
قططي الجميلة ماراح انسى انهم احلى شي صار لي .
هالسنة حطيت لها خطط و احلام كثيره بحققها ان شاء الله و ماراح اتنازل عن اي شي كنت افكر فيه،.
اول شي اتمنى اني احققه ، طموحي في التدوين ،
ان متابعين مدونتي يكثرون و يكونون من كل مكان ، راح اخلي مدونتي احسن و احسن
⌨ماعندي خلفية كبيرة في التدوين لكن راح استفيد من افكار و خبرة المدونات المعروفات هنا،
من الاشياء المهمة الي راح التزم فيها بالتدوين ☝️، اني اكون صادقه بكل كلمة اكتبها هنا لانها محسوبة علي
ماراح امدح شي عشان بس اسوي موضوع ، او عشان يجيني متابعات و يهتمون لكلامي !!
بالنسبة لي التدوين حاجة اكبر من كذا .
ثانيا صحتي،،
صحتي كليا مهملتها ، ماقدر التزم باكل او نظام رياضي ، م اقاوم شغلات الاعلانات حقت ماك :))
حاولت بكل شي ، اشتركت بدروس زومبا ، بس شهر وحسيت بعدها انه ضياع وقت ،
اما عن التغذية الصحية اسبوع و امل !!
بس راح اكون اقوى هالسنة ان شاء الله ، راح اقاومكم ي ماك و ياكانتون .
الكتب و توسيع مدى الثقافة ،
في 2015 ماقصرت من ناحية اني احاول اتعلم طول وقتي ، اشتركت في كثير مواقع اون لاين لتعليم الانجليزية . لغتي تحسنت بشكل واضح ، قريت كتب اون لاين و ورقية كمان ، حبيت كتب وكتب ندمت اني ضيعت وقت عليها .
اكره الروايات ، بس قريت روايتين كانت جميلة نسبيا ، خلتني ارجع افكر بخصوصها.
اشترتك في منصة رواق للتعليم الالكتروني في دورة العلاج السلوكي المعرفي ، وللحين مستمرة فيها.
2016 راح تكون سنة المعرفة بالنسبة لي ، راح اكون افضل .
مكتب ، قهوة ، لاب توب و مخ صافي
وقت الروقان وقتي المفضل .
من اهدافي ل 2016 اني احسن من نفسيتي ، من تفكيري و مزاجي الي غالبا متعكر !!
عبارات تحفيزية على مكتبي ، كوب احبه ، اشياء تهمني دايم قدامي تخليني سعيدة و لو ماسويت شي في هاليوم.
بالنسبة لي هالاشياء تعطيني دفعة معنوية وتخليني اشتغل و احب الي اسويه اكثر و اكثر ، و ما أمل .
برتب وقتي و جدولي ب اجندة ،
التزمت فيها في 2015 في وقت الدراسة فقط ، تجمع لي معلوماتي و اللي لي و اللي علي.
هالسنة راح اكون منظمة اكثر و بما اني ابي احسن من وضع مدونتي ف بحتاجها كثير.
التنظيم عموما شي مهم بحاول التزم فيه،
بعرف كل شي وين احطه وكيف بيصير بهالمكان ، ولو انه صغير مره .
الفوضى تخليك مبدع ، بس مو كل يوم .
انا مع الفوضى عند الشغل، احس اني سويت شي، عكس اني اكون اسوي شي مهم وكل شي حولي بمكانه ،
ما ادري ، انا كذا . احب الفوضى احيان و احيان تنرفزني .
احب اشغل نفسي بالرسم ، شي احبه
لكن التطور في مستوى رسمي تقريبا من عشرة 3 بس!!
مابي احد يعلمني ولاني راضية اتعلم بنفسي !
راح احسن منه بإذن الله ، عادي يمكن اخذ دروس بهالشي يمكن اتعلم بنفسي
اهم شي اني اطور مستواي .
وعيي السينمائي صار كويس ، وبيصير احسن.
كنت اشوف اي فيلم و اقول واو احسن فيلم
بس الحين مو اي فيلم او مسلسل يرضيني ، عرفت احدد ميولي وش احب و وش اكره .
اتمنى انها تكون سنة سعيدة جميلة عليكم،
سوو الي تبون وتحبون ، كلام الناس اخر همكم ،
مستقبلكم و وقتكم انتوا ، استغلوه بشي يرضيكم !
لا تندموا على اي شي م سويتوه لكن حطو خطة جديدة كيف ترجعون تسووه
لا تستنوا احد يساعدكم او يحقق لكم شي تبونه
اصنعوا سعادتكم بنفسكم .
سوو الي تبون وتحبون ، كلام الناس اخر همكم ،
مستقبلكم و وقتكم انتوا ، استغلوه بشي يرضيكم !
لا تندموا على اي شي م سويتوه لكن حطو خطة جديدة كيف ترجعون تسووه
لا تستنوا احد يساعدكم او يحقق لكم شي تبونه
اصنعوا سعادتكم بنفسكم .
و آخيرا ،،،
شاركوني احلامكم على تويتر او سناب شات ( I_dyar1 )
دمتم بود .
0 التعليقات:
Post a Comment