السلام عليكم
صباحكم / مسائكم سعاده يارب
من زمان م نزلت مفضلات
السبب اني م احب اغير كثير ف تقعد نفس المفضلات معي مدة طويلة
بس هالشهرين الي فاتو في اشياء كثير
جربتها للمرة الاولى و حبيتها كثير
نبدأ ب منتجات الجمال | Beauty favorites
البودرة السائبة من فلورمار
Flormar loose powder
اول مره استخدم بودرة سائبة فحبيت اجرب شي سعره كويس
كنت استخدم بودرة مضغوطة فاتحه و تقريبا شفافة في تثبيت الكونسيلر و الفاونديشن
وكان الثبات كويس نوعا ما
لكن بعد تجربتي لهالبودرة تغيرت نظرتي مره
وراح اجرب ان شاء الله غيرها من المنتجات الي سمعت عنها مدح كثير
هالبودرة مو شفافة ( فيه منها شفافة )
لونها خفيف ويمكن م يبان مع الدمج
يعني اشراقة كذا وتفتيح خفييف تحت العين
سعرها جدا جميل ويمكن تغنيك عن المنتجات الغالية من نفس النوع
م اقدر اقارن لاني ماقد جربت غيرها لكن كثير سوو مقارنات مع هالمنتج و منتجات غاليه
و النتيجة كانت قريبه من بعض مره
بس ماراح اعتمد على التوصيات و راح اجرب بنفسي
الدرجة اللي اخذتها رقمها 04 Beige sand
سعرها 55 SR من محل فلورمار
--
روج و محدد من لووك
LOOK LIP COLOR AND LIP PENCIL
هالاشياء اتعب و انا اقول لونها جميل جميل جميل
طبيعي ولكل يوم خاصه هالدرجتين
اسعارها جميلة و احس لازم بكل شنطة يكون عندك منه
الروج تركيبته كريميه مره و نهايته ساتن
انا احط عليه شوية بودرة ويصير مات و احيانا اخليه زي ما هو
لونه بني على نود
فضيع اللون على كل البشرات تقريبا
مالقيت له سواتشات، بس هذا اقرب سواتش له
المحدد نفس اللون بس اغمق ششويييه
تركيبته شوي ناشفه بس قبلها مرطب على الشفايف ويصير كريمي مره
احب استخدمهم بعض
واحيانا احط لون افتح منهم شوي بنص الشفايف على خفيف ويطلع جدا جميل
اسعارها جدا رخيصه تقريبا الروج ب 15 SR
و المحدد 10 SR
موجوده بجميع محلات الميكب العادية
بس تأكدوا انها الاصلية ( انتبهوا من التقليد )
--
روج سائل بنهاية مطفية من نيكس
NYX soft matte lip cream
معروفة هالارواج ومشهورة اكثر من نار على علم
وقارنوها كثير ب انستازيا و لايم كرايم
و اعتبروها البديل الارخص كمان
هالماركة اثق باشياءهم دائما
كويسة باسعار منخفضة و بمتناول الجميع
هالدرجة اللي اخترتها من مفضلاتي جدا جميلة على البشرات الحنطية
الشفايف المليانة شوي بيرفكت مع هاللون
ثباته اممممم اقدر اقول كويس مقارنه بسعره
ماتنشف الشفايف لو سويتي تقشير كويس و ترطيب قبل استخدامه
و يثبت اكثر لو استخدمتي قبله محدد بلون نيود مو لازم نفس اللون
اللون اسمه ROME
هذا سواتش له
سعره 49 SR وطلبته من instgram : rouge_shop1@
--
اخر منتج من منتجات الجمال المفضلة
هو مناكير نود من بورجوا
معروفة مناكير بورجوا انها ماتتكسر بعد فتره بس لازم طبقتين من اللون
طبقتين كفيلة تعطيك تغطية و ثبات اكثر
ينشف بسرعة و م يكتل مع الطبقات
فرشتها اجمل شي فيها عريضه وسهلة الاستخدام
و هاللون ينفع على البشرة السمرا و الحنطية و حتى الفاتحة
و اللي اظافرها صغيره مثلي مره يجمل اليد و يعطي ايحاء ان اظافرك اطول من الحقيقي :)))
هاللون رقمه 03 beige distinction
وهذا سواتش له
--
لمنتجات العناية | Care products
المعروف لا يعرف
زبدة الجسم من بودي شوب بزيت الارقان البري
Body shop wild argan oil body butter
ترطيب و رائحة جميل تقريبا ل ١٢ ساعة
تمتصه البشره بسرعه و م يدبق و يزعج
سعرها 75 SR من بودي شوب
--
سبراي النعناع البارد للقدمين من بودي شوب
Body shop pepperment cooling foot spray
وضيفته يبرد و يعطر الرجل شووويه
مع الايام الحارة و المشي الكثير ممكن يعطي احساس منعش ومريح
اخذه معاي بالشنطة خاصه لطلعات المول
رائحة نعناع حلوة ومنعشة
سعره 42 SR من بودي شوب
--
زيت فايتمن اي من سنداون ناتشورالز
Vitamin E oil , sundown naturals
معروف هالزيت ب فوائده الكثيره
ولازم يكون عند كل بنت
سواءا للشعر و الوجه و الجسم
بعض فوائده : الترطيب ، علاج الندبات و الحروق
علاج علامات التمدد ، علاج للاكزيما ، علاج للقروح و الشتققات
وكثير غيرها ابحثوا عنها بقوقل .
انا استخدمه بالترطيب للوجه و اليدين .
مع كريم ترطيب الوجه احط قطرتين كل مره ، وكمان لليدين
و احطه مع زيت جوز الهند لترطيب الجسم بعد الشاور
لاحظت فرق مره بنعومة بشرتي و تفتيح بسيط للاماكن الغامقة.
جميع تاجرات اي هيرب يوفرونه
سعره 65 SR
--
واخيرا وليس اخرا
غسول لتصفيه الوجه ومنع اللمعان من نيفيا
Nivia purifying face wash
غسول جميييل جميل احب استخدمه قبل الميكب يشيل الدهون الزايده من غير م ينشف البشرة
استخدمه يوميا الصباح قبل م ابدا بالميكب اليومي ومره يعطيني نتايج جميلة
طبعا لو استخدمت مقشر او غسول مقشر ما استخدمه لان التقشير يكفي
لكن في الايام اللي م اسوي فيها تقشير لوجهي استخدم هذا
منعش ويصفي الوجه وتصير البشره مطفية
اخذته من النهدي و بكل الصيدليات موجود
سعره تقريبا 27 SR
وهذي مفضلاتي لشهرين جون و جولاي ومكمله معاي نص اوقست
اتمنى اكون افدتكم ولو بالقليل
يهمني رايكم عن طريق تعليقات المدونة
او مواقع التواصل الاجتماعي
دمتم سالمين :*
يعطيك العافيه مدونتك جميله ^^
ReplyDelete