السلام عليكم
بعد غيبه طويله
نرجع لاحلى شي بالنسبة لي ، التدوين
تدوينة اليوم عن منتج جميل حبيته من اول استخدام
لكن قلت بكتب عنه تدوينه بعد ما اعطيه حقه في التجربه
NIVEA
DOUBLE EFFECT EYE MAKE-UP
REMOVER
مزيل للمكياج عبارة عن زيت مع سائل مائي
يسخدم بعد رج العلبة عشان يندمج السائل مع الزيت
المكون الزيتي فيه عبارة عن زيت بذور دوار الشمس وهذا الي خلاني اشتريه
دائما الزيوت مثل زيت الزيتون وزيت جوز الهند
تكون كويسه في ازالة المكياج *وخاصة مكياج العين* و الترطيب بنفس الوقت .
طريقة عمله : ( مكتوب ب موقع نيفيا )
يذوب اي منتج على العين بعد وضع قطعة القطن على العين مدة قليله من غير فرك ثم مسح العين بكل لطف .
مميزاته :
مزيل مكياج العيون الووتر بروف ( المضاد للماء ) .
يزيل مكياج العيون من غير اي فرك قاسي للعين او الرموش ( Rubbing ) .
مايترك اثر زيتي او مزعج على العين بعد استخدامه
تجربتي :
يزيل المكياج المضاد للماء ولا يبقي اثر مزعج مره لكن يبقى اثر زيتي خفيف .
يحتاج فرك لكن مو كثير الي بس يشيل الماسكارا وخلاص !
ماينشف العين ولا يحسس المنطقه اذا مافركتوا العين بقوه.
كميته كويسه و قطرات قليله تكفي لكل عين .
ملاحظة :
نوع القطن مهم للمنتجات الي كذا
انا استخدم قطن من شركة جونسن . لكن سيء جدا يمتص كل المنتج قبل م اخلص من عين وحده !!
وجربت كذا نوع نفس الشي بس تختلف سرعه الامتصاص ، و تغلب عليهم قطن جونسن بانه اسرع واحد .
و للحين ابحث عن نوع القطن المثالي الي يوفر لي المنتج مهما كان سعره لاني طبيعي ماراح اخلي شي عاجبني يروح بقطن و بعده ارميه !
سعره و اماكن تواجده :
انا شريته من صيدلية النهدي و اظن بكل الصيدليات و الماركت .
لكن سعره، ناسيه والله
الخلاصة انه منتج جميل و اوصي فيه توصيه الف .
و هذي تدوينتي لليوم ،
شاركوني رايكم و تجاربكم للمنتج
دمتم بود :*
0 التعليقات:
Post a Comment